أنا بوجهة نظري المتواضعه ..
الأخوان في حدس يلعبون على الخسارة دايم .. و يضنون غير ذلك
يتميزون بالتالي :
الانتهازية
احساسهم الدايم بأنهم الأقوى
ماشييين بسياسة : اللي تكسب بو العب بو :)
كل الوسائل مشروعه في سبيل الوصول لهدفهم
أياً كانت الوسائل .. حتى لو غير مقبوله اجتماعياً واخلاقياً
.
.
لهذا السبب بدت الناس تمل منهم .. وهم أنفسهم بدو يملون من نفسهم
يعني جمعان الحربش ما علق عاليافطة الانتخابية له " حدس "
والمطر .. وخضير .. الرشيد .. وغيرهم
فطلعوا من المظله و ما طلعوا منها .. دودهونا!
.
.
و لأنهم جذي .. اسطوانتهم الأخيره ضد د.أسيل
كسبت تعاطف الناس لأسيل
لأن كلش مو حلوه تختلس التصوير أو التسجيل لشخص .. أياً كان الشخص و أياً كان الكلام
فأتوقع أسيل الحين لسان حالها يقول لكم : شكراً لكم هالخدمة ..
هناك 8 تعليقات:
فعلا
زاد اقتناعي بالدكتورة اسيل الان
فشكرا لهم
و تبا لهم في نفس الوقت
ماعتقد كسبت تعاطف احد
الا المؤيدين بشده لها
اما الغالبيه انـصدموا
بـ فكرها !
بـ أسـلـوبها !!
خلوكم من حدس ( ولو اني ضدها )
وركزوا بمضمون كلامها
العزيز عثماني ..
الوسيلة اللي استخدمتها حدس ضد د.أسيل شي مخزي ..
ففعلاً مثل ما قلت شكراً و تباً في نفس الوقت :)
اختي
تقطتج ممتازة وتحسب لهم لا عليهم
حدس اول الانتخابات قالت وبوضوح
هذا مرشحنا ولا ندعمه وهذا مالنا علاقة فيه !1
السؤال اهني
هل مرشيحن التحالف مالوا من التحالف رغم حداثة سنة ! ولا التحالف ما يمثلهم
وليش ولا واحد نزل تحت مظلتهم
وشكرا
العزيز غير معرف ..
المشكله حدس هم مايخلونا نفكر إلا في لدغاتهم الخبيثه ..
فما نقدر نخلينا من حدس
! للأسف !
والمشكله استيائي من طريقة اختلاس تسجيل الحوار في محاضرة داخل الجامعه
جعلتني الطريقة هذه ما أستسيغ نقاش المضمون!
.
.
نصيحه لكم : عليكم مواجهة تقدم د.أسيل البرنامج بالبرنامج.
.
.
وللعلم ، للعلم
لا أنا من الدائرة الثالثه
ولا متابعه د.أسيل في حملتها
و معتزله التيار الليبرالي من زمااااااااان
.
.
العزيز مركبنا ..
أولاً : أنا انتقد متى ما كان لي مزاج سياسي أداء وتنظيم التيار الليبرالي و التحالف في هالمدونة .. ( وراجع البوستات القليله اللي انزلها بالشأن السياسي)
ثانياً : اتفق معاك بأن التحالف مو منظم ولا عندهم قواعد تشتغل لهم بشكل حزبي موجه ، و فجأة طلعت قائمة موحده في انتخابات السنه اللي فاتت من غير ترتيب ، فكانت النتيجه خسارة أغلبهم ، لذاانزلوا هالسنه مستقليين.
.
.
لكن الحدسيين منظمين و قواعد تشتغل مثل الساعه ومقر الاصلاح يسد عين الشمس وماعندهم مشكلة تمويل .
فليش ينزلون مثل ربع التحالف!!
.
.
بس تصدق اختلف مع التيار الليبرالي
لكن هم انظف سياسياً ( بدون زعل )
.
.
أختي العزيزة
آنا أول شي مستقل عشان ما تقولين
بس بقولج شغلتين
الشغلة الأولى: إن حدس المتهم الأول، ولم يثبت الطالب أو الطالبة ضلوعه لحدس!! أقصد لا تتكلمين وتجزمين، إنما استخدموها في مدوناتهم نعم. لكن مو معناته إن الطالبة إخونجية اللي منتجت الفيديو
الشغلة الثانية: لا تسويلي الليبرالية شرفاء روما ومو داشين بالحرب الإعلامية والتصييد على باقي التيارات. يعني الكل داش بالحرب القذرة وخيسني واخيسك!! والأمثلة ما اتخلص وشكراً
العزيز mate
.
.
انا رديت في التعليق على العزيز مركبنا .. ان التحالف لي مآخذ عليهم .. و مو من اليوم .
ولا قلت ان الطالبة اللي سجلت اخونجية ولكن من نشرها كان يختلس هالتسجيل أكيد لضرب اسيل انتخابياً ، والا محاضره ساعه كامله ، في الكورس كم ساعه لاسيل في محاضراتها، يتسجل هالمقطع الصغير و ينشر قبل الانتخابات باسبوعين و من مدونات ملونه بحدس !
وتبيني آخذه بحسن نيه ، لقوها بالصدفه ! الثواني من محاضر من محاضرات عديده و بالساعات للدكتوره !
.
.
تيار التحالف انتقائي في مواقفه
وحدس جماعه انتهازيه
والسلف عندهم انفصامية
هذا رأي كتبته بهالمدونة من سنه و لازلت مصره عليه
" لا أستثني أحد "
.
.
وبأمانة يا أخي :
مستقل أو غير مستقل صدقني ما يفرق معاي بالرد
أنا أحترم رأيك أي كان
والخلاف لا يفسد الود انشاءالله
.
.
إرسال تعليق